Asociación
de mulleres
Mar de Arousa

 

Creouse en 2016 para agrupar a mariscadoras, armadoras, bateeiras, redeiras, percebeiras e empresarias do sector marítimo pesqueiro da zona da Ría de Arousa.

O seu carácter
plural é a súa
principal fortaleza
 

Confórmana mulleres de actividades, orixes e formacións moi dispares. “O noso nexo de unión é que todas estamos profesionalmente ligadas ao mar”.

 

Asociación
de Mulleres
Mar de Arousa

Por que unha asociación de Mulleres en Arousa?
 

“A convicción de que quedaba un longo camiño en materia de igualdade de oportunidades dentro da actividade pesqueira fíxonos crear a asociación”.

 

Asociación
de Mulleres
Mar de Arousa

Dificultades
superadas

 

“A falta de orzamento foi a dificultade que máis orgullosas estamos de ter superado. Non tiñamos
nada e aínda así sacamos proxectos adiante”

 

Asociación
de Mulleres
Mar de Arousa

Dificultades
superadas

 

“A falta de orzamento foi a dificultade que máis orgullosas estamos de ter superado. Non tiñamos
nada e aínda así sacamos proxectos adiante”

 

Asociación
de Mulleres
Mar de Arousa

A unión

 

“Xuntar esforzos sen pararnos nas diferencias
e con visión a longo prazo”.

 

Asociación
de Mulleres
Mar de Arousa

O futuro

 

“Sóbrannos os proxectos! O problema é que falta diñeiro para executalos e tempo para deseñalos e formulalos”.

 

Asociación
de Mulleres
Mar de Arousa

O reto

 

Que as mulleres accedan
a postos e órgaos decisorios.

 

Asociación
de Mulleres
Mar de Arousa

Porto de Cambados

 

Nace no seo da Confraría de San Antonio de Cambados no 2012

Que se buscaba?
 

Que a confraría botase man da comercialización da vieira galega, de Arousa —e doutras rías como Pontevedra e Ferrol— cumprindo cos requisitos sanitarios e de trazabilidade con garantías.

Na actualidade tamén comercializan outros produtos certificados PESCADERIAS a través de Exquisitec. Porto de Cambados diríxese a distribuidores e hostalería gourmet, mentres que o cliente de Exquisitec é o consumidor final.

 

Porto
de Cambados

A empresa
 

Mar Ambroa é unha das fundadoras. Chegou a Cambados en 2004 (é de Cotobade):  “Empezamos a capturar pero en prezo non podíamos competir”.

Pouco a pouco foron entrando no mercado e acadando a súa propia carteira de clientes, grazas á participación en feiras e outras labores de difusión e información.

 

Porto
de Cambados

Porto de Cambados factura máis de 1 millón de euros ao ano.

Ademais de Mar, forman parte da empresa dúas persoas máis.

“En Cambados hai máis de vinte barcos relacionados coa captura da vieira. Para outras fases como a evisceración e o procesado contrátase a moitas mulleres”, explica Mar.

 

Porto
de Cambados

Porto
de Cambados

Revalorizar produto
e traballo
 

“Estamos orgullosas de ter involucrado ao sector primario. Penso que o logramos”.

A constancia foi clave para chegar a facer valer o produto galego. Só con constancia, traballo e un produto “de calidade suprema” foron quen de chegar aos centros de mercado.

 

Porto
de Cambados

Mimar
o produto
 

“Isto require paciencia tamén. Agora que o produto comeza a escasear hai que tratar ben o pouco que temos, facelo valer”.

É necesario respetar as vedas e coidar os nosos recursos.

 

Porto
de Cambados

Mellora
profesional
 

Mar estudou Empresas e ten un máster en fiscal. “Poñer en marcha unha confraría foi unha oportunidade laboral única.”

A mar gústalle todo o peixe. “O 24 de Nadal cunha nécora e unha copa de Mencía estou contenta”. Tamén adora os xurelos.

 

Porto
de Cambados

http://www.portodecambados.com/

Na rede

 

Amarcarril

 

Catro amigas de sempre, Rita, Pupe,Vivi e Inma crearon a Asociación de Mariscadoras de Carril para amosar e explicar o seu traballo aos rapaces e rapazas nos bancos de ameixa e berberecho.

Amarcarril

A orixe
 

"Chegaban as excursións de final de curso e viñan preguntarnos cousas. Pensamos que podíamos amosarlles como sachar, como coller un raño. E ao tempo, concienciar ás xeracións futuras sobre o furtivismo, contarlles que esta é unha saída laboral como outra".

"Traballabamos seguido pero houbo 2 anos nos que estivemos sen traballar por unha toxina, por unha riada... Estábamos desanimadas pero ao tempo comezamos a darlle voltas a este proxecto".

 

Amarcarril

Alianzas
 

O seu proxecto orixinal foise ampliando. Hoxe reciben a turistas, a colectivos diversos, e tamén acuden elas mesmas ás escolas. Tamén informan sobre todo o relativo á obtención dos PERMEX.

Latexos de turismo, Bluscus, Galicia es +, Alvamar, Corticata e Dalle que dalle anuncian a súa actividade. "Moitas innovaron as súas rutas marisqueiras connosco".

 

Amarcarril

Unha loita con futuro
 

O marisqueo antigamente era para o autoabastecemento da xente que vivía pegada ás ribeiras. Para chegar a ser un oficio houbo unha loita. "Queremos achegar o noso grao de area, que se saiba o traballo que hai detrás, que as ameixas non nacen soas, que non as pode coller calquera".

Antes que ameixa, en Carril collíanse ostras e mexilóns. Houbo unha crise grande de sardiña, que era o que máis se consumía, e comezouse a experimentar con moluscos. A xente comezou a deixar traballos en terra para ir ao mar. A cousa empezou a profesionalizarse.

 

Amarcarril

As visitas
 

Algunhas das mariscadoras de máis idade son reacias a dar o seu traballo a coñecer. Por iso organizaron as visitas nos campos de cultivo (elas teñen os seus propios parques delimitados por varas, unha característica propia de Carril) "para non tropezar con ter que pedir permisos".

"Puidemos empezar co noso material, con tres ganchas". O que cobran é simbólico, para poder manter o que teñen. Dispoñen dun espazo no antigo mercado de Carril, pechado hai unha década. As súas familias apoiáronas e axudáronas a acondicionalo.

 

Amarcarril

Todo isto supón...
 

"Andar ás présas...

...Pero hai tempo para todo, só hai que saber distribuílo"

 

 

 

Amarcarril

...e ter a mellor
oficina do mundo
 

Amarcarril

 

 

Pupe renunciou a un traballo fixo con soldo para irse ao desemprego: "A min o que me enche é o mar"

Inma: "O outro día vimos arroaces e dixemos, pero haberá traballo máis bonito ca este?"

Rita: "A nosa oficina cambia cada día. Vemos amenceres!"

Pupe: "No inverno é moi duro. Ensinámoslles as mans e alí xa se ve todo".

Amarcarril

Pero compensa
 

O machismo
 

Están en ANMUPESCA e son cofundadoras
da Asociación de Mulleres de Arousa.

 

"Aínda existe bastante machismo pero a nós dános igual, facemos o que queremos."

Pupe: "Cando saquei o permiso para conducir a lancha había veces isto parecía un circo: xente na balaustrada mirando, a ver cando chocaba".

Rita: "Tiña 15 anos cando comecei a traballar subastando. Comíanme. Tatexábanme os números ata que dixen: ou te subes enriba deles ou non vales para este traballo"

 

Amarcarril

O seu logotipo reproduce o Camiño do Carro que dá acceso á Cortegada. A avoa de Inma marisca na mesma area. O xogo de palabras de Amarcarril xa o imaxinades ;-)

Amarcarril