Asociación
de mulleres
Mar de Arousa

Creouse en 2016 para agrupar a mariscadoras, armadoras, bateeiras, redeiras, percebeiras e empresarias do sector marítimo pesqueiro da zona da Ría de Arousa.

O seu carácter
plural é a súa
principal fortaleza
 

Confórmana mulleres de actividades, orixes e formacións moi dispares. “O noso nexo de unión é que todas estamos profesionalmente ligadas ao mar”.

Asociación
de Mulleres
Mar de Arousa

Por que unha asociación de Mulleres en Arousa?
 

“A convicción de que quedaba un longo camiño en materia de igualdade de oportunidades dentro da actividade pesqueira fíxonos crear a asociación”.

Asociación
de Mulleres
Mar de Arousa

Dificultades
superadas

“A falta de orzamento foi a dificultade que máis orgullosas estamos de ter superado. Non tiñamos
nada e aínda así sacamos proxectos adiante”

Asociación
de Mulleres
Mar de Arousa

A unión

“Xuntar esforzos sen pararnos nas diferencias
e con visión a longo prazo”.

Asociación
de Mulleres
Mar de Arousa

O futuro

“Sóbrannos os proxectos! O problema é que falta diñeiro para executalos e tempo para deseñalos e formulalos”.

Asociación
de Mulleres
Mar de Arousa

O reto

Que as mulleres accedan
a postos e órgaos decisorios.

Asociación
de Mulleres
Mar de Arousa

Stoupa

 

Stoupa

Begoña: “A nosa idea é ser un escaparate da Costa da Morte. Por diante do noso estudo de arquitectura pasan os peregrinos. Parécenos que a información que se lles ofrece é pobre: nós queríamos ir máis alá e ofrecerlles algo de calidade”.

t

Un “concept store” nun lugar afastado

Unha interiorista e un arquitecto de Cee, Begoña
e a súa parella, reformaron un baixo para montar STOUPA na mesma vila onde naceron.

Stoupa

“Houbo que facer investimento para rehabilitar o noso baixo, pelexar coas licenzas...” En función do que van aprendendo van perfeccionando o seu modelo de negocio.

Stoupa é unha tenda física e en liña onde ofrecer artesanía e produtos autóctonos, unha galería de arte e un lugar onde ofrecer servizos turísticos “100% Costa da Morte”

Stoupa

• Central de reservas e empresa de servizos turísticos e de lecer: desde aloxamento turismo de aventura, vela, bocexo, surf, paseos en barco, etc.

• Obras únicas da Costa da Morte. Expoñen e venden: alfarería, marroquinaría, moda, literatura, pintura, escultura, fotografía, música...

• Produtos autóctonos en liña (peixe e marisco, carne de porco celta ou conservas). Tamén ofertan na tenda produtos delicatessen como cervexas artesáns de auga do mar, un gin tonic “Costa da Morte” ou produtos únicos de repostaría elaborados con algas.

As belas artes, as artes novas e a artesanía da zona danse a man en Stoupa desde o verán do ano pasado. Pero Stoupa é moito máis:

Visibilidade
 

“Os artistas e os artesáns da zona non teñen promoción”. Con Stoupa querían dar visibilidade a todo o que pasa no mundo das artes na Costa da Morte. Unha vez ao mes convidan a un artista a expoñer na súa galería, e traballan moito na promoción.

Esa visibilidade pasa por apostar por unha web potente, e unhas redes sociais moi activas: todos os días actualizan facebook, instagram e twitter.

“Gustaríanos que a xente aprezase o traballo que hai detrás.”

Stoupa

A meta
 

Conseguir que a xente vexa estoupa como un centro, que sexa un punto de encontro.

Stoupa

A visión da beleza
 

O monte Pindo, un monte novo, contrastando co resto da paisaxe é unha das visións costeiras favoritas de Begoña. “Tamén o Cabo Fisterra”.

Algo que a motiva, a súa Candieira é sempre suxerente. “Unha fotografía, unha textura, unha pintura, unha composición, unha cadeira cun detalle, todo me iso me pode transmitir algo”.

Un produto do mar: a centola.

Stoupa

Na rede
 

http://www.stoupa.gal

https://twitter.com/stoupaturismo

https://www.instagram.com/stoupa.gal

Stoupa

Rosa Lafuente

 

Rosa Lafuente

Rosa é farmacéutica de profesión. Retomou as rendas do negocio familiar, Conservera Gallega
(Paco Lafuente), cando seu pai quixo xubilarse. Actualmente é a directora da empresa.

“Comecei de carambola, estaba facendo traballos que non eran o meu”. O pai deixoulles a empresa a ela e aos seus irmáns. Na actualidade só ela segue na empresa, onde traballan 3 persoas fixas e entre 20 e 40 persoas en temporada.

Conservera gallega
 

Dedícase á fabricación de conservas selectas de peixe e mariscos desde hai máis de 100 anos, procesados case completamente a man baixo a supervisión da familia fundadora. Apenas se admite a mecanización para manter os estándares de calidade.

Rosa Lafuente

Esta aposta fixo que a empresa se fixera un oco nos comercios gourmet da península, se ben os principais clientes están en Cataluña e Levante.

Rosa Lafuente

Elaboramos as conservas de forma tradicional, seleccionando e empacando artesanalmente, sen agregar produtos químicos, xa que o proceso de esterilización é máis que suficiente garantía de seguridade. O resto das características proceden exclusivamente das materias primas utilizadas, por iso traballamos con produtos de máxima calidade.

As instalacións da empresa están en Vilanova de Arousa, á beira da ría, que a Rosa lle encanta porque “parece un lago”. Tamén lle gusta a ría de Noia, “polo berberecho” e a Ría de Pontevedra, o primeiro que vía ao erguerse de pequena era a illa de Tambo. Pero gústanlle múltiples paisaxes. “Sempre procuro sacar o máis positivo das cousas, o mellor”.

Rosa Lafuente

Conserva e algo máis
 

Para Rosa, o futuro da empresa e, en xeral, da conserva, pasa por cociñar e facer cociñar, por presentar elaboracións. “Unha quinta gama”, di. A empresa ten creado alianzas con cociñeiros como Pepe Solla, que traballa en showcookings con produtos seus.

Rosa Lafuente

A igualdade
 

“Crieime na igualdade, para min unha muller e un home son iguais, agás na forza bruta”.

“A muller de Galicia traballa moitísimo e ten un peso específico moi forte, non é como noutros lugares. Leva toda a casa no económico e no familiar. Leva as leiras, os fillos, vai mariscar, leva a casa”.

Rosa Lafuente