Interpretations of Daniel

British Library MS Sloane 1609, ff. 29v-30r

Here bygynnen the Interpretacions of Daniel the prophete to hym shewid in Babilone be the holy gost of mennys dremys in slepyng. --------------

Aues A man, that dremeth that byrdys ffyghten with hym it be tokneth wrath----------------------

           A man that dremeth that he letyth byrdys

            gon, it betokneth wynnyng-------------------

Agnos A man to haue lambren or get it be

            tokneth comfort in workyng----------------

Arma A man to be armed in drem it be tokneth

              meche worshep-----------------------------

Arbores A man that seth trees with ffrut in drem

             it be tokneth gret wynnyng-------------------

Arbores A man that stieth vp treys in drem it by

             good tydyngis----------------------------------

Aues A man that lesith birdis in his slep it be

            toknith gret harm  

"yf þou be dremyd with any of these þynges after þe tokenes folowyd after" 

British Library MS Sloane 297, f. 112r

The Nun's Priest's Tale, ll. 2926-2939 

Pertelote:

Certes this dreem, which ye han met to-nyght,
  Cometh of the greete superfluytee
 Of youre rede colera, pardee,
Which causeth folk to dreden in hir dremes
 Of arwes, and of fyr with rede lemes,
 Of rede beestes, that they wol hem byte,
Of contek [discord], and of whelpes, grete and lyte; 
 Right as the humour of malencolie
 Causeth ful many a man in sleep to crie
  For feere of blake beres, or boles blake [black bulls],
  Or elles blake develes wole hem take.
 Of othere humours koude I telle also
 That werken many a man sleep ful wo; 
 But I wol passe as lightly as I kan.

The Monk's Tale, ll. 2926-2939 

Upon a tree he was, as that hym thoughte,
 Ther Juppiter hym wessh, bothe bak and syde,
And Phebus eek a fair towaille hym broughte
To dryen hym with; and therfore wax his pryde,
And to his doghter, that stood hym bisyde,
Which that he knew in heigh sentence habounde,
 He bad hire telle hym what it signyfyde,
And she his dreem bigan right thus expounde: 

"The tree," quod she, "the galwes is to meene,

 And Juppiter bitokneth snow and reyn,
And Phebus, with his towaille so clene,
Tho been the sonne stremes for to seyn.
 Thou shalt anhanged be, fader, certeyn;
Reyn shal thee wasshe, and sonne shal thee drye."
  Thus warned hym ful plat and ek ful pleyn
His doghter, which that called was Phanye.