Naf li t-tajjeb ma jgħammarx fija, jiġifieri f’ġismi. Ir-rieda tajba qiegħda hemm fija, imma li nagħmel it-tajjeb m’hux hemm. 19 M’iniex nagħmel it-tajjeb li rrid, imma qiegħed nagħmel il-ħażin li ma rridx. 20 Jekk jien nagħmel sewwasew dak li ma rridx, mhux jien mela qiegħed nagħmlu iżda d-dnub li hemm jgħammar fija. 21 Nħoss din il-liġi ġewwa fija: meta rrid nagħmel it-tajjeb, ifeġġ quddiemi l-ħażin. 22 Skond il-bniedem ta’ ġewwa togħġobni l-liġi ta’ Alla; 23 iżda nilmaħ fil-membri ta’ ġismi liġi oħra titqabad kontra l-liġi ta’ moħħi u tjassarni taħt il-liġi tad-dnub li hemm ġo ġismi. 24 Msejken bniedem li jien! Min se jeħlisni minn dan il-ġisem tal-mewt? 25 Niżżi ħajr lil Alla permezz ta’ Ġesù Kristu Sidna!

Rum 7:18-25a

Taqbida 1: Bejn it-tajjeb u l-ħażin

23 Kollox hu sewwa, iżda mhux kollox jaqbel; kollox jiswa, iżda mhux kollox jedifika. 24 Ħadd ma għandu jqis qjiesu biss, iżda qjies ħaddieħor. 25 Kollox tistgħu tixtru u tieklu mis-suq tal-laħam, bla ma tqisu xejn fil-kuxjenza tagħkom: 26 “l-art b’kull ma hemm fiha hi tal-Mulej.”

27 Jekk xi ħadd li ma jemminx jistedinkom, jekk tridu, morru; kulu kull ma jkun lestielkom bla ma tqisu xejn fil-kuxjenza tagħkom. 28 Jekk xi ħadd jgħidilkom: ‘Dan kien offert lill-idoli,’ allura tiklux minn dak l-ikel, minħabba dak li wissiek u minħabba l-kuxjenza; 29 irrid ngħid, mhux il-kuxjenza tiegħek, imma ta’ dak l-ieħor. Għaliex il-libertà tiegħi għandha tkun imxekkla mill-kuxjenza ta’ ħaddieħor? 30 Jekk jien niekol b’radd il-ħajr, għaliex għandi nkun mgħajjar b’dak li jien inrodd ħajr? 31 Sew jekk tieklu, sew jekk tixorbu, tagħmlu x’tagħmlu, agħmlu kollox għall-glorja ta’ Alla.

1 Kor 10:23-31

Taqbida 2: Bejn it-tajjeb u l-aħjar

• Il-bniedem hu maħluq biex ifaħħar, iqim u jaqdi 'l Alla Sidna, u b'hekk isalva ruħu.
• Il-ħwejjeġ l-oħra kollha fuq wiċċ l-art huma maħluqin għall-bniedem, biex jgħinuh jilħaq l-iskop li għalih ġie maħluq.
• Għalhekk il-bniedem għandu tant jinqeda bihom daqskemm jgħinuh għal dan l-iskop, u tant jeħles minnhom daqskemm ifixkluh milli jilħqu.
• Għaldaqshekk jinħtieġ nagħmlu lilna nfusna indifferenti għall-ħwejjeġ kollha maħluqa, sakemm hu mħolli f'idejna li nagħżlu u m'għandniex projbizzjoni. Dan ifisser li min-naħa tagħna ma nfittxux iktar is-saħħa milli l-mard, l-għana milli l-faqar, il-ġieh milli t-tmaqdir, ħajja twila iktar milli qasira; u l-istess għall-ħwejjeġ l-oħra kollha.
• F'kollox għandna nixtiequ u nagħżlu biss dak li iktar imexxina lejn l-iskop li għalih aħna maħluqin.

Prinċipju Ewlieni u Pedament

Il-Prinċipju Ewlieni u Pedament

• Il-bniedem maħluq għal Alla. Ġej mill-Imħabba ta’ Alla u msejjaħ għall-imħabba. Hekk biss isib il-milja tiegħu.

  • L-imħabba x’inhi u x’mhix?

    • Mhix sentiment li tħoss imma hi deċiżjoni u azzjoni.

  • Ġesti ta’ “imħabba” jistgħu ikunu egoisti ħafna. Mhux x'tagħmel imma għalfejn tagħmlu.

  • Alla hu Imħabba u aħna, maħluqin fuq xbiha tiegħu, u addottati permezz tal-misteru tal-Għid, imsejħin biex inkunu mħabba.

Il-Prinċipju Ewlieni u Pedament

• L-għażliet tagħna, żgħar u kbar jridu jkunu rifless ta’ din is-sejħa fundamentali:

  • Sew jekk tkun għażla tal-istat tal-ħajja, jew karriera. Insir qassis jew niżżewweġ? Nagħżel karriera li tqallgħani ħafna flus jew waħda li nħoss li fiha nikkontribwixxi lis-soċjetà?

  • Kif ukoll deċiżjonijiet dwar kif tgħix u ġġib ruħek fil-vokazzjoni tiegħek. Lil liema ministeri se nagħti priorità? Nixtri dar ikbar jew nibqa' f'dik li għandi?

Il-Prinċipju Ewlieni u Pedament

• L-Imħabba tintwera bil-mod kif ngħixu r-relazzjonijiet tagħna:

  • ma’ Alla,

  • mal-proxxmu,

  • magħna nfusna,

  • mal-bqija tal-ħolqien.
     

• Fi kliem ieħor mill-mezzi li nagħżlu u li nħallu.

• Aħna limitati u għalhekk hemm għażliet x’nagħmlu.

• Ir-relazzjonijiet tagħna jridu jkunu mmarkati mir-rispett profond lejn l-ieħor bħala ieħor minflok in funzjoni tax-xewqat, biżgħat u bżonnijiet tiegħi.

Il-Prinċipju Ewlieni u Pedament

• Biex nagħżlu sew, jirrikjedi li f’kull deċiżjoni nkunu qegħdin infittxu l-imħabba u servizz ta’ Alla u mhux xi ħaġa oħra.

  • Għandna bżonn libertà interjuri lejn il-possibilitajiet kollha ta’ kif inservu u nħobbu anke dwar ħwejjeġ tajbin bħas-saħħa, r-reputazzjoni, l-ħajja, l-ġid materjali onest.

  • Irid ikollna biżżejjed libertà li nkunu lesti li nissagrifikaw ħwejjeġ tajba jekk dan iwassal għal turija ta’ imħabba ikbar.

• Meta niġu biex nagħżlu, nixtiequ biss dak li iktar iressaqna lejn l-iskop li għalih aħna maħluqin: li nħobbu ’l Alla u lill-oħrajn u b’hekk insibu l-milja tagħna.

X’inhi l-libertà?

• Libertà minn…

  • Skjavitù; Bias; Diżordni; …

• Libertà għal…

  • Għażliet evanġeliċi; Servizz; Imħabba; Għotja tiegħi nnifsi; Ħajja sħiħa; …

Ostakli għal-Libertà Spiritwali

Immaġni foloz ta’ Alla

«ordenar su vida»

Affetti Diżordinati…

Minkejja li Sant’ Injazju jitkellem dwar id-dnub b’mod serju, hu qatt ma emmen fil-“ħażen” tal-umanità, bħal ma kien jingħad minn ħafna oħrajn fil-Knisja ta’ żmienu. Kien jaf li l-biċċa l-kbira tar-reazzjonijiet ħżiena tagħna ġejjin minn xi forma ta’ skjavitù: biżgħat mhux ġustifikati, ansjetajiet eżaġerati, bżonnijiet, nuqqas ta’ sigurtà, ideat foloz u dak li jġibu magħhom… Dan jagħmel lil bniedem jirreaġixxi b’mod aggressif jew egoist.

Rabtiet mhux f’lokhom…

Ta min jinnota li fit-test tal-Prinċipju Ewlieni u Pedament, l-indifferenza ma tiġix mill-qerda tax-xewqa, imma mill-qawwa tagħha: “F’kollox għandna nixtiequ u nagħżlu biss…”.

• Il-bniedem għandu skop (l-għan tax-xewqa);
• u għax għandu skop jista’ jkun ħieles:
• Għax il-libertà hi biss l-adegwatezza għall-għan u l-identità tiegħu stess.

X’inhu li jeħlisna?

Nistgħu nkunu ħielsa?

• Xi ħadd jista’ jgħid li hu kompletament ħielese?

• Mela kif se nsiru iktar ħielsa?

• “F’kollox għandna nixtiequ u nagħżlu biss dak li iktar imexxina lejn l-iskop li għalih aħna maħluqin.”
• L-unika xewqa u għażla tagħna għandha tkun din: Irrid u nagħżel biss dak li iktar jgħinni biex insaħħaħ fija l-Ħajja ta’ Alla fija.

X’jgħid Injazju?

Mistoqsijiet

• Id-dixxerniment spiritwali, x’inhu għalikom? X’tassoċjaw ma’ dan it-terminu?
• X’mistoqsijiet tixtiequ li nindirizzaw matul dawn il-jumejn?

Ngħoddha li hemm tliet xorta ta’ ħsibijiet fija: jiġifieri, hemm dawk li huma tassew tiegħi, li ġejjin biss mil-libertà u mir-rieda tiegħi; u hemm dawk li ġejjin minn barra, uħud mill-ispirtu t-tajjeb u oħrajn mill-ispirtu l-ħażin.

Eżerċizzi Spiritwali 33

Il-Movimenti Spiritwali

Influenzi spiritwali esterjuri

• Movimenti
  • Tendenzi bħal kieku ġejjin minn barra, qabel ma wieħed iħaddem il-libertà tiegħu, li jiġbdu l-bniedem sħiħ, però prinċipalment id-dimensjoni affettiva-emozionali, lejn direzzjoni determinata.
• “Spirti”
  • Moviment u Spirtu jfissru l-istess ħaġa, imma dan tal-aħħar ifisser kemm il-moviment u l-oriġini minn fejn ġej (personali jew le).

Ir-Regoli tad-dixxerniment - L-ewwel serje

Ir-Regoli tad-dixxerniment - L-ewwel serje

Żewġ esperjenzi spiritwali prinċipali:

• Id-djieqa spiritwali

  • Esperjenzi li jħawwdu l-bniedem
  • Meta tħoss li Alla ’l bogħod.
  • Bla fidi, bla tama, ħsiebek fik innifsek minflok tħobb
  • Attrazzjoni għal dak li hu mundan.
• Liema ħsibijiet huma assoċjati ma’ dawn l-esperjenzi spiritwali?
•  Attenzjoni: Dawn il-movimenti huma l-lingwaġġ ta’ Alla.

X’mhuhiex faraġ u dieqa?

???

Eżempji ta’ faraġ u dieqa

???

Ir-Regoli tad-dixxerniment - L-ewwel serje

Żewġ sitwazzjonijiet tal-ħajja fundamentali:

• Dawk li qegħdin jgħixu ħajja tad-dinja
  • Ma dawn l-ispirtu l-ħażin jinkuraġġihom ikomplu mexjin fit-triq li qabdu bi pjaċiri taparsi.
  • L-ispirtu t-tajjeb iwissi permezz tad-dawl tar-raġuni u r-rimors tal-kuxxjenza.
• Dawk li għażlu 'l Alla
  • Hawn l-ispirtu l-ħażin ipoġġi ostakli permezz ta' raġunamenti foloz.
  • L-ispirtu t-tajjeb jinkuraġġixxi, jagħmel kollox jidher faċli.

Ir-Regoli tad-dixxerniment - L-ewwel serje

Dawk li qegħdin jgħixu ħajja tad-dinja

• Eżempji ta’ x’jagħmel l-għadu
  • “M’inhix raġel ħażin. Veru li qed nisraq lill-kumpanija, imma m’inhix imħallas tajjeb tax-xogħol li nagħmel.”
  • “Nieħu ħsieb tal-familja, ma jimpurax jekk naqlibha lill-mara għax ma tafx.”
  • “Meta nħares lejn John, jien qaddis miexi fl-art.”
• Eżempji ta’ dak li jagħmel l-ispirtu t-tajjeb
  • “Int kuntent li qiegħed iġġib ruħek hekk?”
  • “Il-kuxxjenza tiegħek ma tniggżikx meta tasal id-dar wara li tkun qlibtha lill-mara?”
• Eżempju: Ix-xorb

Ir-Regoli tad-dixxerniment - L-ewwel serje

Ir-Regoli tad-dixxerniment - L-ewwel serje

• Tliet suġġerimenti

• Qalb tal-bronz magħna nfusna - ieqaf lit-tentazzjoni b’mod deċiż.
• Tiġġelidx waħdek, imma fittex għajnuna mingħand xi ħadd li jista’ jgħinek tinfhem l-inganni tal-għadu.
• L-għadu jattakkak fejn int l-iktar dgħajjef. B’hekk tagħraf aħjar id-dgħufija tiegħek (umiltà) u ssir taf aħjar fejn trid tiddefendi aħjar u ssaħħaħ.

Eżempji ta’ Faraġ u Djieqa Spiritwali

Eżempji ta’ Faraġ u Djieqa Spiritwali

Eżempji ta’ Faraġ u Djieqa Spiritwali

Instrument or obstacle?
I'm satisfied with my work
I enjoyed myself
And they expressed gratitude
Am I an instrument in your Hand?

Was I thinking of them when I prepared?
Did I pray for them during this time?
Did I seek You at all in these days?
Am I an obstacle in Your way?

I may be a worthless instrument
I’m surely an obstacle
But before all this
I'm a beneficiary of your mercy.

Ix-xewqat

Ġesù jfejjaq lil Bartimew l-agħma (Mk 10:46-52)

46 U waslu Ġeriko. Hu u ħiereġ minn Ġeriko flimkien mad-dixxipli tiegħu u ma’ kotra kbira ta’ nies, kien hemm wieħed tallab agħma, jismu Bartimew, bin Timew, bilqiegħda mal-ġenb tat-triq. 47 Dan, meta sama’ li kien Ġesù ta’ Nazaret, qabad jgħajjat u jgħid: “Ġesù, bin David, ikollok ħniena minni!” 48 Kien hemm ħafna li bdew jgħajjtu miegħu biex jiskot imma hu aktar beda jgħajjat: “Bin David, ikollok ħniena minni!” 49 Ġesù waqaf u qal: “Sejjħulu.” Huma sejjħu l-agħma u qalulu: “Agħmel il-qalb! Qum, qiegħed isejjaħlek.” 50 Dak tajjar il-mantar minn fuqu, qabeż fuq riġlejh u mar ħdejn Ġesù. 51 U Ġesù kellmu u qallu: “Xi tridni nagħmillek?” “Li nerġa’ nara, Rabbuni,” wieġbu l-agħma. 52 “Mur,” qallu Ġesù, “il-fidi tiegħek fejjqitek.” U minnufih raġa’ beda jara, u baqa’ miexi warajh fit-triq.

Ix-xewqat

Ix-xewqat: kanal prinċipali biex tiskopri r-rieda ta’ Alla

Ix-xewqat: U jekk ma jkunx hemm ix-xewqa?

Ix-xewqat: U jekk ma nafx x’inhuma x-xewqat profondi tiegħi?

• Outside-In
  • X'tixtieq? 

    Ix-xewqat superficjali jistgħu juru dak li vera tixtieq.

• Inside-out
  • Lil min tammira bħala personaġġi jew xi stejjer jispirawk?

Ix-xewqat: Fina lkoll hemm xewqa għal Alla

• Sens ta’ nuqqas jew vojt
• Xewqat komuni u konnessjonijiet
• Xewqat mhux komuni
• Eżaltazzjoni
• Ċareżża
• Xewqat qaddisa
• Esperjenzi ta’ vulnerabbiltà

Ix-xewqat

Ieqaf aħseb ftit:

• Fid-dawl ta’ dak li għidna, liema xewqat għandek bħalissa?
  • X’hemm warajhom? Ipprova inżel iktar fil-fond tagħhom.
• Mil-persuni li tiltaqa’ magħhom bħalissa, liema taħseb li huma x-xewqat tagħhom?
  • X’taħseb li hemm warajhom?

Regoli għat-Tieni Ġimgħa

Regoli bl-istess skop. Jgħinu biex nagħżlu iktar bir-reqqa bejn il-movimenti fir-ruħ. Jgħoddu iżjed għat-tieni Ġimgħa

Regoli għat-Tieni Ġimgħa

(1) Meta jkun Alla u l-anġli tiegħu li qegħdin jaħdmu, issib li jnisslu fir-ruħ ferħ u hena spiritwali ġenwin, u jwarrbu kull swied ta’ qalb u taħwid li jiġu mill-għadu.

Imma jekk ikun l-għadu, tista’ tistenna li jitqabad kontra dix-xorta ta’ ferħ u faraġ spiritwali billi jġib raġunijiet li għall-ewwel jidhru tajba u jaqla’ dejjem irqaqat ġodda u raġunamenti foloz.

Regoli għat-Tieni Ġimgħa

(2) Alla Sidna biss kapaċi jagħti faraġ lir-ruħ bla kawża ta’ xejn qabel. Għaliex mill-Ħallieq waħdu tista’ tistenna li jidħol u joħroġ fir-ruħ u jaħdem fiha u hekk jiġbidha kollha kemm hi fi mħabba għall-Maestà  divina tiegħu. Għedt: “bla kawża ta’ xejn”, jiġifieri mingħajr ma qabel ir-ruħ tkun ħasset jew saret taf b’xi ħaġa hekk li dal-faraġ ikun ġie fir-ruħ mill-attività tad-dehen u tar-rieda.

Regoli għat-Tieni Ġimgħa

(3) Jekk hemm xi kawża, allura kemm l-anġlu t-tajjeb kif ukoll il-ħażin jaf ifarraġ ir-ruħ, iżda għal finijiet kuntrarji. L-anġlu t-tajjeb ikollu f’moħħu jgħin ir-ruħ timxi ‘l quddiem, biex tikber u tibqa’ tielgħa mit-tajjeb għall-aħjar. L-anġlu l-ħażin bil-maqlub, ħalli fl-aħħar jiġbidha għall-fehmiet misħuta tiegħu ta’ ħażen.

Regoli għat-Tieni Ġimgħa

(4) L-anġlu l-ħażin iħobb jinbidel f’anġlu tad-dawl: hekk jibda billi jkompli mar-ruħ devota, imma mbagħad jispiċċa biex iġorrha miegħu. Fi kliem ieħor, hu l-ewwel iġib ħsibijiet tajbin u qaddisa li jkunu jaqblu mar-ruħ tajba, imma mbagħad bil-mod il-mod jagħmel ħiltu biex jilħaq il-fini tiegħu billi jiġbed ir-ruħ fil-qerq moħbi tiegħu u l-fehmiet tiegħu mill-agħar.

Regoli għat-Tieni Ġimgħa

(5) Għandna noqogħdu attenti ħafna għax-xejra li jieħdu l-ħsibijiet tagħna. Jekk il-bidu, in-nofs u t-tmiem huma kollha tajbin, u ma jwasslux ħlief għat-tajjeb minn kull naħa, dan hu sinjal li ġejjin mill-anġlu t-tajjeb.

Iżda jekk il-ħsibijiet li jiġuna jiżviluppaw hekk li jispiċċaw f’xi ħaġa ħażina, jew ta’ distrazzjoni jew inqas tajba minn dak li r-ruħ kellha f’moħħha tagħmel qabel; jew inkella jispiċċaw biex idgħajfu r-ruħ, jinkwetawha, jew iħawduha u jtellfuha l-paċi, il-kalma u l-kwiet li kellha: dan hu sinjal ċar li dawk il-ħsibijiet ġejjin mill-ispirtu l-ħażin, li hu l-għadu tal-progress tagħna u tas-salvazzjoni eterna ta’ ruħna.

Regoli għat-Tieni Ġimgħa

(6) Meta jinduna bl-għadu tan-natura umana u jagħrfu minn denbu ta’ serp, jiġifieri mit-tmiem ħażin li għalih iwassal, min ikun ittentat isibha ta’ siwi li malli jinduna jerġa’ jmur lura bil-ħsieb fuq kif il-ħsibijiet tajba li kellu fil-bidu żviluppaw: jara kif bdew, u kif bil-mod il-mod l-għadu rnexxielu jġagħlu jinżel mill-ħlewwa u l-ferħ spiritwali li kien fih, sakemm wasslu għall-fehma tiegħu ħażina. Hekk, la darba din l-esperjenza tiegħu jkun fehemha u ħa nota tagħha, ikun jista’ darb’oħra joqgħod attent għall-qerq li l-għadu jħobb juża.

Regoli għat-Tieni Ġimgħa

(7) F’min sejjer mit-tajjeb għall-aħjar, l-anġlu t-tajjeb imiss ir-ruħ bil-ħlewwa, ħafif ħafif u bla ma jisfurzaha: bħalma qatra ilma tidħol fi sponża. Min-naħa l-oħra, id-daqqa tal-ħażin hi daqqa ħarxa, li tagħmel ħoss u tqajjem storbju: bħal meta qatra ilma taqa’ fuq ġebla.

Iżda f’dawk li sejrin mill-ħażin għall-agħar il-mod li bih l-ispirti li semmejna jaħdmu fuq ir-ruħ hu bil-maqlub ta’ li għedna. Ir-raġuni ta’ dan ġejja mid-dispożizzjoni tar-ruħ, tkunx taqbel ma’ dawn l-anġli jew le. Jekk ma taqbilx, (l-ispirti) jidħlu bi ħsejjes u storbju b’mod li malajr tinduna bil-miġja tagħhom. Iżda jekk taqbel, meta d-dispożizzjoni tar-ruħ tkun taqbel magħhom, l-ispirtu jidħol fis-skiet, daqs kieku dieħel f’daru bil-bieb miftuħ.

Regoli għat-Tieni Ġimgħa

(8) Meta l-faraġ ma jkollu ebda kawża, ma jkun hemm ebda qerq fih, la darba, bħalma għedna, ikun ġej minn Alla Sidna waħdu. Iżda bniedem tar-ruħ li Alla jkun tah faraġ bħal dan għandu jżomm għassa tajba u b’attenzjoni kbira jikkonsidra u jagħżel bejn il-ħin sew tal-faraġ u l-ħin ta’ wara, ħin meta r-ruħ tkun għadha mħeġġa u tibqa’ tħoss l-imħabba kbira u l-effetti tal-faraġ li jkun għadda.

F’dan it-tieni mument, difatti, sikwit jiġri li dak li jkun joħroġ bi proponimenti u pjanijiet li m’humiex mogħtija direttament minn Alla Sidna. Jistgħu jkunu ġejjin minna nfusna, b’raġunamenti mibnija fuq relazzjonijiet u konklużjonijiet li niġbdu mill-ideat u l-ġudizzji tagħna, jew mill-influwenza kemm ta’ l-ispirtu t-tajjeb kif ukoll tal-ħażin. Għalhekk jeħtieġ li ngħarbluhom bir-reqqa kollha qabel ma nagħmluhom tagħna u nwettquhom.

Lejn Għażla Tajba

It-Tieni “Ġimgħa” tal-Eżerċizzi

• Skop tal-Eżerċizzi
  • jissejħu eżerċizzi spiritwali jew tar-ruħ il-mezzi kollha li jħejju u jiddisponu ’l dak li jkun biex iwarrab kull ġibda mhix flokha, u wara dan ifittex u jsib ir-rieda t’Alla dwar x’jagħmel b’ħajtu għall-ġid ta’ ruħu.
• Is-Sejħa tas-Sultan: Il-bieb tat-Tieni Ġimgħa
  • “Hawn nitlob minn Sidna l-grazzja li ma nkunx trux għas-sejħa tiegħu, iżda pront u kollni ħerqa biex inwettaq ir-rieda tiegħu l-iktar qaddisa.”
• Kontemplazzjoni tal-Ħajja ta’ Kristu
  • “Nitlob għal dak li rrid. Hawnhekk, nitlob li nsir naf intimament lill-Mulej li sar bniedem għalija, biex aktar inħobbu u nimxi warajh.”

Lejn Għażla Tajba

• Faċli li wieħed jaqa’ fl-inganni. Ir-risposta ta’ Injazju:
  • Tliet Eżerċizzi partilukari biex inaqqsu l-periklu.
    • Iż-Żewġ Stendardi (kontroll intellettwali)
    • It-Tliet Gruppi ta’ Nies (kontroll tar-rieda)
    • Tliet Xorta ta’ Umiltà (dimensjoni affettiva)

Lejn Għażla Tajba

Iż-Żewġ Stendardi

• L-intenzjoni ta’ dan l-eżerċizzju hu wieħed sottili u profond: biex jgħin lill-Eżerċitant jiddixxerni b’mod iktar appropriat għat-Tieni Ġimgħa
• Dak li jrid Ignazju hu li ma nħawwdux is-Saltna ta’ Alla mal-poter, prestiġju u l-ġid ta’ din id-dinja.

It-tentazzjonijiet ta’ Kristu

Mbagħad l-Ispirtu ħa lil Ġesù fid-deżert biex ix-Xitan iġarrbu. 2 U Ġesù baqa’ sajjem għal erbgħin jum u erbgħin lejl, u fl-aħħar ħadu l-ġuħ. 3 U resaq it-tentatur u qallu: “Jekk inti Bin Alla, ordna li dan il-ġebel isir ħobż.” 4 Iżda Ġesù wieġbu: “Hemm miktub, ‘Il-bniedem mhux bil-ħobż biss jgħix, iżda b’kull kelma li toħroġ minn fomm Alla.’ “

5 Mbagħad ix-Xitan ħadu miegħu fil-Belt imqaddsa, qiegħdu fuq il-quċċata tat-tempju, 6 u qallu: “Jekk inti Bin Alla, inxteħet għal isfel; għax hemm miktub li, ‘Lill-anġli tiegħu jordnalhom jieħdu ħsiebek,’ u li ’Fuq idejhom jerfgħuk, Ħalli ma taħbatx riġlejk ma’ xi ġebla.’ ”

7 Qallu Ġesù: “Hemm miktub ukoll, ‘Iġġarrabx lill-Mulej Alla tiegħek.’ ”

8 Għal darb’oħra x-xitan ħadu miegħu fuq muntanja għolja ħafna, urieh is-saltniet kollha tad-dinja u l-glorja tagħhom, 9 u qallu: “Dawn kollha nagħtihom lilek jekk tinxteħet tadurani.” 10 Mbagħad qallu Ġesù: “Itlaq, Xitan! Għax hemm miktub, ‘Lill-Mulej Alla tiegħek, għandek tadura, u lilu biss taqdi.’ ”

11 Mbagħad ix-Xitan ħallieh. U minnufih ġew xi anġli u kienu jaqduh.

Lejn Għażla Tajba

Iż-Żewġ Stendardi

• It-tentazzjonijiet m’humiex sempliċement prova fejn Ġesù jirbaħ fuq l-għadu, m’humiex tentazzjonijiet morali,
• imma għażliet teoloġiċi, mument ta’ dixxerniment, fit-talb, fis-solitudni, quddiem il-Missier taħt l-influenza tal-Ispirtu.
  • Il-poter ekonomiku (il-bdil tal-ġebel f’ħobż)
  • Il-poter reliġjuż (li tintefa’ mill-quċċata tat-Tempju)
  • Il-poter politiku (li tiddomina s-saltniet kollha tal-art)
• Dak li Ġesù jesperjenza hu l-konflitt bejn Alla u Mammona.
  • bejn żewġ immaġni ta’ Alla
  • bejn il-wiċċ awtwntiku tal-Missier u l-idoli.

Lejn Għażla Tajba

Iż-Żewġ Stendardi

• Il-loġika tal-awtosuffiċenza, sigurta u razzjonalità mingħajr misteru, trijumfalista
• Kontra
  il-loġika tas-solidarjetà ma’ dawk li jinsabu fil-periferiji tas-soċjetà politika u reliġjuża, filwaqt li tgħix ta’ iben b’fiduċja fil-Missier.

Lejn Għażla Tajba

Iż-Żewġ Stendardi

• Ġesù jagħżel lil Nazaret biex jitrabba u li jidher wara li jqum mill-imwiet fil-Galilija.
• Dawn m’humiex biss postijiet fiżiċi, imma għandhom sinjifikat teoloġiku:
  • Għażla preferenzjali għall-fqar
  • Għażla ta’ ħajja umli u fqira
  • Post miċħud mill-kbarat tad-dinja. “X’jista’ joħroġ tajjeb min Nazaret?” (Ġw 1:46)
  • Il-kenożi li jsemmi San Pawl (Fil 2:8)

Lejn Għażla Tajba

Iż-Żewġ Stendardi

Siltiet Bibbliċi

Mt 20:20-23; Mk 10: 35-40 Ġakbu u Ġwanni
Lq 22:24-27 Min hu l-ikbar? Dak li jservi.
Lq 9:46-48 Bħat-tfal
Ġw 13:1-20 Il-ħasil tar-riġlejn
Mt 16: 21-23; Mk 8: 32-33 Warajja Satana!
Ġw 6: 14-15 Jridu jagħmluh sultan wara li kattar il-ħobż
Lq 6:24-26 Il-Beatitudnijiet
Mk 10:25 Ġemel minn għajn ta’ labra

Lejn Għażla Tajba

It-Tliet Gruppi ta’ Nies

• Parabbola bl-istess ħsieb wara dawk ta’ Ġesù:
  • Li tinterpella ’l min jisma’ u tistieden għal risposta.
• Dak li qiegħed jistenna Injazju mhux li wieħed iwiegħed il-faqar b’mod ġenerali imma li jara jekk hux lest li jieħu miżuri konkreti biex jilħaqgħa.
• L-Eżerċizzju jesprimi realtà: Jeżistu deċiżjonijiet li ma jwasslu għal xejn konkret.
• L-ewwel grupp “kieku jixtiequ jeħilsu mir-rabta li għandhom mal-flus (querría quitar el afecto)” - verb kondizzjonali.
  • Veru jixtieq?
• It-tieni grupp Jixtieq (verb indikattif), imma…
  • Jridu li Alla jbierek id-deċiżjoni tagħhom ħażina.
• It-tielet grupp biss qiegħed ifittex ir-rieda ta’ Alla.

Lejn Għażla Tajba

It-Tliet Gruppi ta’ Nies

• Iż-Żagħżugħ Għani (Lq 18:18-27) - M’għandux indifferenza.
• Żakkew (Lq 19:1-10) - Irid ħajja aħjar u lest iħalli ġidu.

Lejn Għażla Tajba

It-Tliet Xorta ta’ Umiltà

• Il-Kuntest: Preparazzjoni immedjata għall-Elezzjoni
• Għan: “Qabel ma wieħed jaqbad ix-xogħol tal-għażla, jaqbel ħafna, ħalli jinġibed b’imħabba lejn it-tagħlim veru ta’ Kristu Sidna, li jikkunsidra b’attenzjoni dawn it-tliet xorta ta’ umiltà li ġejjin…”
• Parti mid-dinamika ta'-Eżerċizzi. Din id-darba tħares lejn il-futur.
• L-ewwel xorta ta’ Umiltà: l-Ubbidjenza.
• It-tieni xorta ta’ Umiltà: l-Indifferenza.
• It-tielet xorta ta’ Umiltà: il-Magis (iktar).
  • LI tħobb, timxi wara, timita, isservi.

Il-Kundizzjonijiet għad-Dixxerniment

• [169] L-Għan u l-mezzi
  • L-għan: valur assolut
  • Il-mezz: jingħażel in funzjoni tal-għan
• [170] Materja: tajba jew indifferenti
• [171-2] Xi għażliet ma jistgħux jitbiddlu (imma...)
  • Jekk saret b'mod diżordinat → għix kif tista' bl-għajnuna ta' Alla
• [173-4] Xi għażliet jistgħu jitbiddlu
  • Jekk saru kif imiss →mexxi
  • Jekk le → erġa' ddixxerni

Il-Kundizzjonijiet għad-Dixxerniment

• [175-178] Tliet żminijiet
  • 1. Alla jagħmel "kollox"
  • 2. Taqlib spiritwali;
    • alternanza faraġ-dieqa;
    • Użu tar-regoli tad-dixxerniment
  • 3. Trankwillità
    • Użu tal-fakultajiet naturali.

Suġġerimenti ta’ Injazju

EŻERĊIZZI SPIRITWALI - TAGĦRIF
Biex ifisser l-eżerċizzi spiritwali li ġejjin u jgħin lil min ikun ser jagħtihom jew jagħmilhom.

1.    L-ewwel. L-Eżerċizzi x’inhuma
Bil-kelmiet eżerċizzi spiritwali, nifhmu kull mod li teżamina l-kuxjenza, timmedita, tikkontempla, titlob bil-fomm jew bil-moħħ, jew twettaq ħidmiet oħra spiritwali, kif insemmu iktar ’il quddiem.
Għax kif li tippassiġġa, timxi fit-tul jew tiġri huma eżerċizzi tal-ġisem, hekk jissejħu eżerċizzi spiritwali jew tar-ruħ il-mezzi kollha li jħejju u jiddisponu ’l dak li jkun biex iwarrab kull ġibda mhix flokha, u wara dan ifittex u jsib ir-rieda t’Alla dwar x’jagħmel b’ħajtu għall-ġid ta’ ruħu.

Suġġerimenti ta’ Injazju

2.    It-tieni. M’hemmx ħafna spjegazzjoni
Min juri lil ħaddieħor kif u fuqiex jimmedita jew jikkontempla, għandu jirrakkonta fedelment l-istorja li fuqha għandha ssir il-kontemplazzjoni jew meditazzjoni billi jagħtih biss punti b’xi tifsir fuq fuq u fil-qosor. Għaliex min jikkontempla jieħu iktar gost u jikseb frott spiritwali ikbar, milli kieku min jagħti l-eżerċizzi qagħad ifisser u jiżviluppa l-istorja fit-tul, jekk hu stess ikompli jirrifletti u jirraġuna waħdu fuq il-fatti storiċi u jsib xi ħaġa li tiċċaralu l-istorja xi ftit aktar jew li biha l-istorja tolqtu aktar – kemm jekk dan jiġri bir-raġunamenti tiegħu kemm jekk bil-grazzja t’Alla li ddawwallu moħħu. Għaliex mhux il-ħafna tagħrif li jimla u jaħji r-ruħ, imma li l-affarijiet tħosshom u tiggustahom f’qalbek.

Suġġerimenti ta’ Injazju

3.    It-tielet. Kif iġġib ruħek fit-talb
Fl-eżerċizzi spiritwali kollha li ġejjin ninqdew bil-ħidma tad-dehen biex naħsbu u b’dik tar-rieda biex inħobbu. Ta’ min jinnota għalhekk, li fit-taħriġ tar-rieda, meta b’fommna jew f’moħħna nitħaddtu ma’ Alla Sidna jew mal-qaddisin tiegħu, jeħtiġilna nuru iżjed qima milli meta nħaddmu d-dehen biex nifhmu.

Suġġerimenti ta’ Injazju

5.    Il-ħames. Dispożizzjoni ta’ min jagħmel l-Eżerċizzi Lil min jagħmel l-Eżerċizzi jaqbillu ħafna li jidħol għalihom b’qalb kbira u bil-ġenerożità lejn Alla Ħallieq u Sid tiegħu, billi joffrilu r-rieda u l-libertà tiegħu kollha, sabiex il-Maestà Divina tagħmel hi mill-persuna tiegħu u minn kulma għandu skond ir-rieda tiegħu l-iktar qaddisa.

Suġġerimenti ta’ Injazju

6.    Is-sitta. Meta l-eżerċitant donnu jibqa’ biered
Jekk min jagħti l-Eżerċizzi jinduna li l-eżerċitant mhu għaddej minn ebda esperjenza spiritwali f’ruħu, bħal faraġ spiritwali jew djieqa spiritwali, u lanqas mhu mqanqal minn spirti differenti, għandu jagħmillu ħafna mistoqsijiet fuq l-eżerċizzi, hux qed jagħmilhom f’ħinhom u kif qed jagħmilhom. Għandu jistaqsih ukoll jekk hux qed iħares sewwa d-Direttivi Prattiċi. Fuq kull punt minn dawn għandu jitolbu kont bir-reqqa.

Suġġerimenti ta’ Injazju

7.    Is-seba’. Meta l-eżerċitant ikun imġarrab
Min jagħti l-Eżerċizzi, jekk jara li l-eżerċitant jinsab f’deżolazzjoni u hu ttentat, ma jkunx miegħu iebes jew żorr, imma jieħdu bil-ħlewwa u jkun twajjeb miegħu. Għandu jagħmillu l-qalb u jqawwih għalli ġej billi jurih il-qerq tal-għadu tal-bniedem u jgħinu jħejji u jiddisponi ruħu għall-faraġ spiritwali li għad jiġi.

Suġġerimenti ta’ Injazju

8.    It-tmienja. Użu tar-Regoli biex tagħraf spirtu minn ieħor
Min jagħti l-Eżerċizzi, skond il-ħtieġa li jara, minħabba deżolazzjoni u inganni tal-għadu jew anki minħabba konsolazzjonijiet li l-eżerċitant ikun għaddej minnhom, jista’ jfissirlu r-Regoli biex wieħed jagħraf spirtu minn ieħor, li hemm għall-ewwel u t-tieni Ġimgħa.

Suġġerimenti ta’ Injazju

9.    Id-disa’. Meta l-eżerċitant li jkun fl-eżerċizzi ta’ l-ewwel Ġimgħa mhux imħarreġ fil-ħwejjeġ tar-ruħ, u jkun ittentat b’mod goff u bla ħabi, kif jidher minn ostakli li jkunu jżommuh milli jimxi ‘l quddiem fil-qadi t’Alla Sidna, ngħidu aħna, it-taħbit, il-mistħija u l-biża’ li jitlef l-istima tad-dinja, eċċ., dak li jkun jagħtih l-Eżerċizzi m’għandux isemmilu r-Regoli biex tagħraf spirtu minn ieħor li hemm għat-tieni Ġimgħa. Għaliex daqskemm jiswewlu r-Regoli ta’ l-ewwel Ġimgħa, daqshekk ieħor jagħmlulu deni dawk tat-tieni, billi jittrattaw fuq ħwejjeġ li huma wisq ta’ reqqa u għoljin, u ma jkunx jista’ jifhimhom.

Suġġerimenti ta’ Injazju

10.    L-għaxra. Meta min jagħti l-Eżerċizzi jintebaħ li l-Eżerċitant hu mħabbat u ttentat bi ħwejjeġ li jidhrulu donnhom tajbin, ikun wasal il-ħin li jkellmu fuq ir-Regoli tat-tieni Ġimgħa, li diġà semmejna. Għaliex ġeneralment l-għadu tan-natura tal-bniedem jittanta iżjed bi ħwejjeġ li jidhru donnhom tajbin lil min ikun jitħarreġ fil-ħajja illuminattiva, li taqbel ma’ l-eżerċizzi tat-tieni Ġimgħa. Lil min ikun fil-ħajja purgattiva, li taqbel ma’ l-eżerċizzi ta’ l-ewwel Ġimgħa, jittantah inqas b’dal-mod.

Suġġerimenti ta’ Injazju

11.    Il-ħdax. Tħarisx ’il quddiem
Min ikun jagħmel l-eżerċizzi ta’ l-ewwel Ġimgħa, jaqbillu ma jkun jaf xejn minn dak li se jkollu x’jagħmel fit-tieni Ġimgħa. Imma fl-ewwel Ġimgħa għandu jħabrek biex jikseb dak li qed ifittex, bħallikieku ma kien jittama li se jsib xejn ta’ siwi fit-tieni Ġimgħa.

Suġġerimenti ta’ Injazju

12.    It-tnax. Is-siegħa sħiħa
Min jagħti l-Eżerċizzi għandu jinsisti ħafna ma’ l-eżerċitant, li għandu jdum siegħa f’kull eżerċizzju jew kontemplazzjoni mill-ħamsa li jsiru kuljum u li għandu dejjem jagħmel b’mod li meta jaħseb fiha jkollu moħħu mistrieħ li s-siegħa ta’ l-eżerċizzju għamilha sħiħa, anzi li aktarx dam iżjed milli inqas. Għax l-għadu jħobb jagħmel minn kollox biex is-siegħa kontemplazzjoni, meditazzjoni jew talb titqassar

Suġġerimenti ta’ Injazju

13.    It-tlettax. Tawwal biex tirbaħ
Ta’ min jinnota wkoll li fi żmien il-faraġ spiritwali hi ħaġa ħafifa u ma tridx wisq biex fil-kontemplazzjoni ddum siegħa sħiħa, imma fi żmien id-djieqa spiritwali hu diffiċli ħafna tkompliha sa l-aħħar. Għalhekk biex imur kontra d-djieqa u jirbaħ it-tentazzjonijiet, l-eżerċitant għandu dejjem itawwal is-siegħa xi ftit aktar: hekk mhux biss jidra jirreżisti lill-għadu imma wkoll imiddu ma’ l-art.

Suġġerimenti ta’ Injazju

14.    L-erbatax. Attent mill-wegħdi
Jekk jara li l-eżerċitant jinsab fil-faraġ u jħossu mħeġġeġ ħafna, min jagħti l-Eżerċizzi għandu jiftaħlu għajnejh li ma jagħmel ebda wegħda u ebda vot bla ma jaħsibha u bil-għaġla. U aktar ma jaf li hu ta’ natural li jbiddel, aktar għandu jiftaħlu għajnejh u jwissih. Għax veru li wieħed jagħmel sewwa jħajjar lil ħaddieħor jieħu l-istat reliġjuż, jiġifieri fejn wieħed jagħmel il-voti ta’ l-ubbidjenza, faqar u kastità. Veru wkoll li hu aktar ta’ mertu tagħmel opra tajba b’vot milli mingħajru. Imma wieħed irid jagħti kas sew ta’ x’persuna hu l-eżerċitant u ta’ liema kundizzjoni, u x’għajnuna jew tfixkil jista’ jsib fit-twettiq ta’ dak li jixtieq iwiegħed.

Suġġerimenti ta’ Injazju

15.    Il-ħmistax. Ħalli jiddeċiedi l-eżerċitant
Min jagħti l-Eżerċizzi, m’għandux iħajjar lill-eżerċitant għal ħajja ta’ faqar jew għal xi wegħda iktar milli għall-kuntrarju tagħhom. Lanqas m’għandu jħajru jagħżel stat jew mod ta’ ħajja flok ieħor. Għaliex, barra mill-Eżerċizzi nistgħu nħajru lil kull min aktarx għandu l-kwalitajiet meħtieġa biex jagħżel il-kontinenza, il-verġnità, il-ħajja reliġjuża u kull xorta ta’ perfezzjoni evanġelika, u jkollna mertu ta’ dan. Imma fi żmien l-Eżerċizzi Spiritwali, meta l-eżerċitant qed ifittex ir-rieda t’Alla, iżjed jixraq u hu wisq aħjar li l-istess Ħallieq u Mulej jikkomunika lilu nnifsu lir-ruħ devota tiegħu u jħaddanha1 bl-imħabba u foħrija tiegħu, u jħejjiha għal dik it-triq li fiha tkun tista’ ‘l quddiem taqdih aħjar. Għalhekk min jagħti l-Eżerċizzi m’għandux imil jew ixaqleb lejn naħa jew oħra, imma jżomm ruħu wieqaf bħal miżien fin-nofs u jħalli ‘l-Ħallieq jittratta direttament mal-ħliqa tiegħu, u l-ħliqa mal-Ħallieq u Sid tagħha

Suġġerimenti ta’ Injazju

16.    Is-sittax. Fil-każ ta’ ġibda barra minn lokha
Għal dan, jiġifieri, biex il-Ħallieq u Mulej jaħdem aktar żgur fil-ħliqa tiegħu, jekk fil-każ ir-ruħ ikollha rabta jew ġibda diżordnata lejn xi ħaġa, jaqbel ħafna li tqum fuq tagħha u tagħmel ħilitha kollha biex tasal f’attitudni kuntrarja għal dik il-ħaġa li għaliha għandha ġibda ħażina. Hekk, per eżempju, wieħed hu miġbud li jfittex u jżomm għalih xi kariga jew xi benefizzju,1 mhux għall-ġieh u l-glorja t’Alla Sidna, u lanqas għall-ġid spiritwali ta’ l-erwieħ, imma għall-vantaġġi u interessi temporali tiegħu personali. F’dan il-każ hu għandu jitħabat biex jixtieq il-kuntrarju: b’insistenza fit-talb u taħriġ ieħor spiritwali għandu jitlob l’Alla Sidna dak li hu kuntrarju, jiġifieri, li ma jkunx irid il-kariga jew benefizzju jew ebda ħaġa oħra, ħlief jekk il-Maestà divina tqiegħed ix-xewqat tiegħu f’posthom u tbiddillu l-ewwel ġibda li kellu. B’hekk, ir-raġuni li wieħed jixtieq jew iżomm xi ħaġa jew oħra, tkun biss il-qadi, il-ġieh u l-glorja tal-Maestà divina.

Suġġerimenti ta’ Injazju

17.    Is-sbatax. Ikun infurmat
Bla ma jfittex li jistaqsih u jsir jaf il-ħsibijiet personali u d-dnubiet tiegħu,1 jgħin ħafna li min jagħti l-Eżerċizzi jkun mgħarraf mingħajr ħabi ta’ xejn bit-tqanqil u ħsibijiet diversi li spirti differenti jġibu lill-eżerċitant. Għaliex, skond il-profitt kbir jew żgħir li jara fih, ikun jista’ jagħtih xi eżerċizzi spiritwali li iktar jgħoddu għalih u jkunu jaqblu mal-ħtieġa ta’ ruħu fit-taqlib li fih tinsab.